ခေတ်အဆက်ဆက်ပြုပြင်​ထိန်းသိမ်းမှုများ

တောင်ပေါ်ဒေသတွင် တစ်နှစ်ပတ်လုံး အထူးသဖြင့် မိုးရာသီတွင် ရွာသွန်းသောမိုးရေများသည် တောင်အောက်ချောက်နှင့်အိုင်ကြီးများအတွင်းသို့ စီးဆင်းရာ ရေလှောင်ကန်ကြီးများ ရေအိုင်များ သဖွယ်ဖြစ်တည်နေပါသည်။ ဘုရားဖူးများနှင့် ရင်ပြင်တော်တွင် နေထိုင်သူတို့အတွက်သောက်သုံးရေကို ယင်းရေအိုင်ကြီးများမှ ရယူအသုံးပြုရပါသည်။ဘုရားဖူးများနှင့်ရင်ပြင်တော်တွင်နေထိုင်သူများအတွက်  တော်ကြီးများ၊ ဝန်ထမ်းများ ရေအလုံအလောက်သုံးစွဲနိုင်ရန် ရင်ပြင်တော်ပေါ်တွင် ရေဂါလံ(၁၆၀၀၀၀) ဆံ့ရေလုံကန်ကို ၁၉၈၅ ခုနှစ်တွင် တည်ဆောက်ခဲ့ပါသည်။ ယင်းရေလှောင်ကန်သို့ အောက်ကိုးနဝင်းရေ တံခွန်ရေလှောင်တမံမှလည်း (11KVA)(220KVA) ဓါတ်အားလိုင်းတို့ဖြင့် ရင်ပြင်တော်သို့ ရေတင်ပေးပါ သည်။ ထို့ပြင် ရသေ့တောင်ခြေမှ(၁)မိုင်ကျော်ခန့်ဝေးသည့် မိုးဘောချောင်းရေအိုင်ကြီးမှ ရင်ပြင်တော်သို့  ရေစုပ်မော်တာကြီးများနှင့် အဆင့်(၄)ဆင့်ခွဲပြီး ရေတင်ခြင်းကို ၁၉၉၅-ခုနှစ် ဒီဇင်ဘာလ(၁၆)ရက်နေ့မှစ၍ ရေတင်နိုင်ခဲ့ပါသည်။

တောင်အောက်အနက်ပေ ၁၄၆၅ ရှိ မိုးဘောချောင်းမှရေကို အဆင့်(၄)ဆင့်ခွဲလျက် စွမ်းအားမြှင့် ရေတင်စက်ကြီးများဖြင့် မောင်းနှင်တင်ယူရပါသည်။ လျှပ်စစ်မီးအသုံးပြုရသည့်အတွက် လျှပ်စစ် ပြတ်တောက်မှုအပေါ်မှုတည်၍ အခက်အခဲရှိပါသည်။